Category Archives: Article

ວິທີປິດ Admin bar ໃນ WordPress 3.1

ລ່າສຸດ WordPress ກະອອກເວີຊັ້ນ 3.1 ແລ້ວ. ໃຜຍັງບໍ່ໄດ້ອັບເດດກໍ່ໄປອັບສະຈະໄດ້ປອດໄປ. ແຕ່ຫລັງຈາກການອັບເດດ ຜູ້ຂຽນເອງຮູ້ສຶກວ່າບໍ່ມັກຄຸນສົມບັດທີ່ຊື່ Admin Bar ທີ່ມີຢູ່ເທິງຫົວເວັບໃນເວລາທີ່ ລ໊ອກອິນເຂົ້າໄປແລ້ວ. ແຕ່ມື້ນີ້ເລີຍມີວິທີການປິດມາຝາກກັນເຖິງ 3ວິທີດ້ວຍກັນ.

ວິທີທີ່ 1: ແມ່ນການເຂົ້າໄປປິດສະເພາະ ຂອງຕົນເອງ ຫລື ບຸກຄົນທີ່ຕ້ອງການຢາກປິດ ເຊິ່ງກໍ່ສາມາດເຂົ້າໄປທີ່ ຫນ້າ Admin ກໍ່ ຫລັງຈາກນັ້ນກໍ່ໄປທີ່ User ແລ້ວກໍ່ໄປເລືອກ User ທີ່ຕ້ອງການປິດ ແລ້ວກໍ່ເຂົ້າ Edit ຫລັງຈາກນັ້ນກໍ່ໄປຖອນການເລືອກ ອອກທີ່ຫົວຂໍ້ Show Admin bar.

ວິທີທີ່ 2: ເປັນວິທີທີ່ຕ້ອງເຂົ້າໄປເພີ່ມໂຄ໊ດ ເຊິ່ງວິທີນີ້ຈະປິດທັງຫມົດເລີຍ ເຊິ່ງການເຂົ້າໄປຕັ້ງຄ່າໃນ User ໃຫ້ເປີດ ມັນກໍ່ຈະບໍ່ມາດອອກມາໄດ້. ພຽງແຕ່ເຂົ້າໄປນຳເອົາໄຟລ໌ function.php ທີ່ມາກັບ Theme ທີ່ທ່ານໃຊ້ງານຢູ່ ມາເພີ່ມໂຄ໊ດດ້ານລຸ່ມນີ້ລົງໄປລຸ່ມສຸດ ກ່ອນເຄື່ອງຫມາຍ “ ?>

function my_function_admin_bar(){
return false;
}
add_filter( 'show_admin_bar' , 'my_function_admin_bar');

ວິທີ່ທີ່ 3:ເປັນວິທີທີ່ຕ້ອງການໃຫ້ໂຊ ສະເພາະ Admin ເທົ່ານັ້ນ ສະມາຊິກທຳມະດາຈະບໍ່ສາມາດເຫັນ. ວິທີການກໍ່ຄ້າຍໆກັບວິທີທີ່ສອງຄື ເຂົ້າໄປນຳເອົາໄຟລ໌ function.php ທີ່ມາກັບ Theme ທີ່ທ່ານໃຊ້ງານຢູ່ ມາເພີ່ມໂຄ໊ດ ເຊິ່ງພຽງປ່ຽນແຕ່ໂຄ໊ດເທົ່ານັ້ນ ເຊິ່ງໂຄ໊ດສຳລັບວິທີການນີ້ກໍ່ຕ້ອງໃສ່ທີ່ລຸ່ມສຸດກ່ອນເຄື່ອງຫມາຍ ?>

function my_function_admin_bar($content) {
 return ( current_user_can("administrator") ) ? $content : false;
}
add_filter( 'show_admin_bar' , 'my_function_admin_bar');

ທິບສຳລັບເຮັດໃຫ້ WordPress Blog ຂອງທ່ານໄວຂຶ້ນ ແລະ ເບົາແຮງ Mysql

ບໍ່ໄດ້ເຂົ້າມາອັບເດດດົນ ມື້ນີ້ມາແນະນຳ ວິທີ ທີ່ຈະເຮັດໃຫ້ WordPress ຂອງທ່ານ ໄວຂຶ້ນ ແລະ ປອດໄພຂຶ້ນ ກວ່າເກົ່າ ໂດຍກ່ອນອື່ນມາເລີ່ມທີ່ການເພີ່ມຄວາມໄວໃຫ້ກັບ WordPress.

ເຊິ່ງໃນ WordPress ຈະມີຫນ້າຕັ້ງຄ່າ ຫລື Settings ແລ້ວເຂົ້າໄປປ້ອນ URL ລົງໄປໃນຖານຂໍ້ມູນ ເພຶ່ອເວລາມີຄົນເຂົ້າເວັບ ຫລື ຄິກໄປຍັງບົດຄວາມຕ່າງໆຈະໄດ້ດຶງເອົາ Url ນັ້ນເປັນ URL ຫລັກ ແລະ ຂໍ້ມູນຕ່າງໆຂອງ Theme ກໍ່ຈະຖືກດຶງຜ່ານຊ່ອງທາງນີ້ ເຊິ່ງອາດຈະເຮັດໃຫ້ເວັບຂອງເຮົາຊ້າລົງ, ເຊິ່ງວິທີການນີ້ເປັນວິທີຫລັກທີ່ WordPress ຕັ້ງມາໃຫ້. ແຕ່ທິບມື້ນີ້ກໍ່ຄື ມາສ້າງຕົວປ່ຽນການດຶງຂໍ້ມູນ URL ຈາກ PHP ເຊິ່ງຈະໃສ່ລົງໄປໃນ ໄຟລ໌ wp-config.php ນັ້ນເອງ ຈະເຮັດໃຫ້ແບ່ງເບົາການເຮັດວຽກໃຫ້ກັບ Mysql ແລະໃຫ້ສະແດງຜົນຫນ້າຕາຂອງເວັບໄດ້ໄວຂຶ້ນ. ວິທີການກໍ່ພຽງນຳເອົາໂຄ໊ດລຸ່ມນີ້ໄປເພີ່ມໃສ່ລຸ່ມສຸດໃນໄຟລ໌ wp-config.php ກໍ່ເປັນອັນຈົບ(ຢ່າລືມປ່ຽນ ຊື່ເວັບເປັນຊື່ເວັບຂອງທ່ານ ແລະ ກໍ່ ຊື່ຂອງໂຟເດີ່ເທັມເພດທີ່ທ່ານໃຊ້).

 

define(‘WP_HOME’, ‘http://www.website-name.com’); // blog url
define(‘WP_SITEURL’, ‘
http://www.website-name.com’);
// site url
define(‘TEMPLATEPATH’, ‘
http://www.website-name.com/wp-content/themes/folder-name-of-theme’);
define(‘STYLESHEETPATH’, ‘http://www.website-name.com/wp-content/themes/folder-name-of-theme’);

ມາທຳຄວາມຮູ້ຈັກ WordPress ແມ່ນຫຍັງ

wordpress

ມາເປີດສັງກາດ ການສອນເຮັດເວັບດ້ວຍ WordPress ເຊິງ ກ່ອນອື່ນກໍ່ມາທຳຄວາມຮູ້ຈັກກັບ wordpress ກັນກ່ອນວ່າມັນແມ່ນຫຍັງ. 
ເ​ວຼີດ​ເພດສ ( WordPress) ເປັນ​ໂປຼ​ແກຼມ​ຊ່ວຍ​ສ້າງ​ບລັອກ ຫລື ເວັບໄຊຕ໌ ຊຶ່ງ​ຂຽນ​ດ້ວຍ​ພາສາ​ PHPແລະ​ໃຊ້​ຖານ​ຂໍ້​ມູນ MySQL ມີ​ສັນຍາ​ອະນຸຍາດ​ໃຊ້​ງານ​ແບບ GPL. ເວີຊັ່ນປະຈຸບັນ​ແມ່ນເວີຊັ່ນ 3.2ປະຈຸບັນ ເ​ວຼິ​ດ​ເພດສໄດ້ຮັບ​ຄວາມ​ນິຍົມ​ສູງ​ຈາ​ກບລັອກ​ເກີລ໌​ທົ່ວ​ໂລກ ເນື່ອງ​ຈາກ​ເປັນ​ລະບົບ​ທີ່​ມີ​ຄວາມ​ຍືດ​ຍຸ່ນ​ໃນ​ການ​ໃຊ້​ງານ ມີ ​Plugin ແລະ Theme ຫລາຍໃຫ້ເລືອກໃຊ້ ຈຶ່ງ​ເຮັດໃຫ້ເ​ວຼິດ​ເພດສໄດ້ຮັບ​ຄວາມ​ນິຍົມ​ ອີກທີ່ສຳຄັນສຸດໆ ຟຼີ.